أول تجربة شراء من امازون: سيرفر Synology

من زمان كان ودي اجرب اطلب من امازون ماكان في شي يستاهل صراحة بس ودي اجرب وكل مرة اتراجع لان الي بطلبه اشياء خفيفة وتكلفة الشحن و الاشتراك بشركة شحن اغلى من السلعة نفسها  (_2 , وقبل فترة جاء شحن امازون الدولي وتعرفت عليه وقريت تجارب اعضاء واقتنعت فيه و جاء اليوم الي فكرت اخذ فيه سيرفر NAS منزلي من شركة Synology وتوكلت على الله وطلبت من امازن بشحن مباشر بدون صندوق بريد ولا اي شي وتم الامر بسلاسه ولله الحمد.

الجهاز عبارة عن سيرفر تخزين منزلي مرتبط بالشبكة Network attached storage فكرت اخذه لعدة اسباب اولها اتخلص من قروشة الهاردسكات الخارجية الي رابطها في لوحة التبريد وفي اللابتوب و اسوي ستريم للملفات في البيت لاسلكي من اي جهاز, وان شاء الله استفيد منه في تجارب الشبكات والسيرفرات.

Synology DS415Plus

هذا موديل الجهاز الي شريته بالاضافة انه جهاز NAS متكامل الا ان شركة سنولجي مسوية شغل جدا حلو ومميزات الجهاز ماتنحصر وهنا صفحة الجهاز وكل معلوماته.

 

وفي ميزة مهمة بما ان النظام مبني على لينُكس عنده كمية “ويب ابلكيشن” كبيرة شي جبار وسورسات كثيرة تقدر تنزل منها تطبيقات رسمية وغير رسمية وطبعاً ما انسى حبيبنا التورنت نزلت عليه rTorrent وثبتت واجهة RuTorrent تعبتني كثير لكن سويتة في النهاية وشغال معاي فل الفل وراح اعمل شرح لتثبيته على السنولجي ان شاء الله لان كل الشروحات الموجودة ناقصة وكم شخص طلب طريقة تركيبة عليه. تشويقة سريعة (_34

rutorrent