من .Net Framework إلى .Net Core:كيف قللت التكلفة بنسبة 98%

في 2016 اطلقت مايكروسوفت إطار عمل جديد مبني من الصفر بإسم .net core (دوت نيت كور) والهدف منه تحويل إطار العمل الاساسي .net framwork (دوت نيت فريمورك) لبيئة مفتوحة المصدر, متوافقة وداعمة لمختلف الانظمة, خفيفة وقابلة للنقل بسهولة.

خلال السنة الماضية تم اطلاق النسخة الاحدث من إطار العمل الجديد بإسم .net 5 (دوت نيت 5) والتخلص من كلمة core وسيكون اطار العمل هذا هو الاساس الذي يتم تطويره واضافة خصائص جديدة له, وسيتم ايقاف تطوير .net framwork عند الاصدار 4.8 مع دعم تحديثات الامان فقط.

هذا الفرق بين النسختين بشكل عام, لكن ايش علاقة تقليل التكاليف؟ نذكر بعض تفاصيل النسختين بشكل سريع 💨🏃🏻‍♂️

Continue reading

كيف تستضيف تطبيقك محلياً Self-hosting

تستخدم خدمات اونلاين كثير؟ تدوين, بريد الكتروني او حتى تخزين ملفات على السحابة. أكيد كلنا نستخدم بعض الخدمات وبشكل يومي وتقريباً كلها خدمات جاهزة للاستخدام مباشرة و نقدر نبدأ في ارسال الايملات على Gmail او نكتب تدوينة على wordpress او نرفع ملفات على dropBox او حتى نغرد على تويتر, كل هذا نسويه بسهولة بمجرد التسجيل في الخدمة المرغوبة.

طيب.. تبي تبني احد الخدمات السابقة بنفسك من الصفر؟ تبي تسخدم سطر الاوامر وتعدل ملفات اعدادت؟ تبي كل فترة تسوي تحديثات يدوية وممكن تخبص عليك و تضطر تعيد كل شي من جديد؟ تبي وجع راس؟! 😬 لالا معليش مش وجع راس.. تبي تتعلم احدى طرق استضافة التطبيقات في الشركات؟ تبي تشغل تطبيق خاص فيك اونلاين؟ تبي تسوي لك مدونة زي هذي اونلاين بدون سيرفر خاص او بدون خدمة مدفوعة وتتحكم في كامل بياناتك؟

واحد من المصطلحات الشائعة في الوسط التقني وبين المطورين او اصحاب السيرفرات المنزلية هو Self-hosting وهذا هو موضوعي اليوم وبوضح ايش هو و الهدف منه وكيف تقدر تستفيد منه.

Continue reading

سيرفر جديد ونظام جديد بس هذي المرة Custom Build

👀
في احد هنا

سنتين ونص من اخر تدوينه وكانت خاصة بأيش؟ خاصة بالسنولوجي سيرفر و الي خدمني لأكثر من 5 سنوات ومازال، كان الوحيد والفريد من نوعه في حياتي وكان اساسي في استخدامات كثيرة والان احيل للتقاعد كسيرفر اساسي وصار الملاذ الاخير وقت المشاكل offline-onsite-last-resort-backup وحل مكانه R1Land والي بأتكلم عنه بعدين.

السيرفر القديم عبارة عن صندوق صغير يشيل 4 هاردسكات وغير قابل للترقية (باستثناء الرام) او اضافة كروت توسعه مع معالج entry-level بأربع انويه باستهلاك طاقة كلي 30-40 واط! بصراحة كان مدخل ممتاز لعالم الـ NAS ونظام تشغيل السنولوجي DSM كان خادمني بشكل كامل ومميز (كنت اظن) رغم السعر المرتفع بالنسبة للمواصفات, في موديلات بسعر معقول لكن حدها تكون nas فقط لاغير.

شغلت السيرفر القديم بثلاث هاردسكات فقط وكان في درج مشبوك مباشرة في الكهرباء وعلى كثر انقطاع الكهرباء ظل صامد ومعروف ان الهاردسكات حساسة جداً جداً لانقطاع الكهرباء المفاجيء, بعد 3 سنوات ونص تقريبا فللت الهاردسكات الثلاث وفي نفس الوقت طلع لي اول bad sector ⚡️ والي كان خلفه العشرات منهم , اضفت الهاردسك الرابع وكانت هذي لحظة الحقيقة تم اضافة الهاردسك وبدأت عملية إعادة بناء المصفوفة لأربع هاردسكات, تعتبر هذي العملية قوية/خطيرة على الهاردسكات وتشغلة بكامل طاقته وتأثر على الحياة الافتراضية له لكنها ضرورية حتى تعمل توسعة بالهاردسك الجديد ومع اخذ البادسكتورز بالحسبان………. TLDR تم الامر بنجاح, تم بدون مشاكل تقريباً.

في نص 2019 جاتني هذي الرسالة والمشكلة مو في قرب انتهاء المساحة المشكلة اني ماعاد اقدر اوسع نهائياً (REMEMBER! only 4 HDD) و من وقتها بديت التفكير في التوسعة, الخدمات الجديدة الي ممكن استخدمها و الأهم من كل ذا كيف اتجنب حالة مثل كذا في المستقبل.

Continue reading

تثبيت rtorrent على سيرفر synology باستتخدام docker

قبل فترة شرحت طريقة تركيب برنامج rtorrent وواجهة rutorrent بشكل يدوي وبطريقة كانت نوعاً ما متعبة وتحتاج فهم لسطر الاوامر خصوصاً عند التعطل احيانا مع التحديثات, بالرغم من وجود ملف تثبيت مباشر من خلال الاستور مقدم من مستودعات Synocommunity إلا انني واجهت ايضاً بعض المشاكل والتي قد تختلف من مستخدم لآخر ولصعوبة توضيح حلها بطريقة واضحة لذلك لم اتطرق لها.

تكلمت كثير عن حاويات لينكس هنا و هنا وانها تقنية رائعة في مجال dev-ops او حتى للمستخدم العادي, و من قبل سنة تقريباً بدأت استخدام docker بشكل مباشر على اي جهاز وفي اي مشروع اعمل عليه حتى لو مجرد تشغيل قاعدة بيانات لتفادي التثبيت وعوار الراس :)

دوكر منصة سطر اوامر بالكامل ولكن شركة synology وفرت GUI لعملائها في نظام تشغيلها وصار استخدامه سهل لاي شخص, الان بشرح طريقة انشاء حاوية تحتوي على برنامج التورنت الشهير rtorrent كذلك يحتوي على واجهة ويب rutorrent و معظم الاضافات المهمة مثل اضافة auto-dl وبطريقة بسيطة وبدون اي اوامر في الطرفية.

Continue reading

سوالف #6 مشروع التخرج و nodeJS

تكلمت في اخر بوست عن مشروع التخرج كمادة ومتطلباتها وطريقة اجتيازها وان المطلوب في الاخير هو تنفيذ عملي لفكرة تكون بشكل او بآخر حل لمشكلة او تطوير حل متوفر حالياً, فكرة مشروع تخرجي عبارة عن منصة خاصة بطلاب الكلية توفر كل مايحتاجة الطالب من مصادر تعليمية (كتب, سلايدات وغيرها) و برامج وبيئات تطوير (Netbeans, Eclips, Android Studio, MySQL,PacketTracer) و برامج Office وغيرها حسب حاجة الطالب وجدولة الدراسي, بمعنى ان كل طالب سيجد الكتب الخاصة بالمواد في الترم الدراسي الحالي وسيجد البرامج والادوات الي يحتاجها مع تلك المواد.

طبعاً ربط الكتب والبرامج مع المواد كان بناء على مادرسته خلال الاعوام السابقة وما احتجته كطالب ومن خلال نتائج الاستبيانات في فترة بناء التوثيق لمشروع التخرج.

كيف؟

التطبيق يجب ان يكون مرتبط  بقاعدة بيانات طلاب الكلية وعند استخدام الطالب للتطبيق (تسجيل الدخول باستخدام الرقم الجامعي) يتم جلب بيانات الجدول الدراسي للترم الحالي عن طريق الرقم الجامعي ثم تكون عملية انشاء بيئة العمل (تحميل الكتب والبرامج والادوات لنظام التشغيل), يتم تحميل سطح المكتب الخاص بالطالب ويكون جاهزا للاستخدام عن بعد عن طريق المتصفح  (_0

Continue reading

تجربتي الجامعية وفي كلية الحاسبات

ولله الحمد اتممت الخمس سنوات وتخرجت من الجامعة (كلية الحاسبات وتقنية المعلومات) تجارب كثيرة مريت فيها ايجابية وسلبية ومع كل تجربة اتمنى اني اسجلها وانشرها لكل شخص راح يمر في طريقي, اكتب هذا الموضوع اليوم لعرض اهم التجارب والنصائح لمن سيبدأ المرحلة الجامعية بشكل عام ولمن يحب كليات الحاسب بشكل خاص.

السنة التحضيرية

هذي اول تغريدة كتبتها من الحرم الجامعي, وهي النصيحة الأولى لا تداوم اول يوم -بإستثناء انك ترغب في التعرف على المباني واماكن المحاضرات- لكن ماراح تلقى اي عضو هيئة تدريس ولا راح يكون فيه محاضرات.

كطلاب او على الاقل جميع الزملاء والاصدقاء الي عرفتهم ماكنا نذاكر الا ليلة الاختبار, بشكل عام في الثانوي كنا نكره الدراسة والمذاكرة والجلسة على الكتب وماكنا نفكر في المستقبل كثير وهذا طبيعي لحد ما, ابغى اوصل فكرة للجميع كل هذي الافكار السلبية راح تتغير تلقائيا وراح تكتشف بعد سنتين انك صاير تهتم وتاخذ وقت اكبر على دراستك لا شعورياً وفي نفس الوقت بتحس بندم انك ماسويت كذا من البداية, اضغط نفسك شوي من اول ترم ذاكر على الاقل كل اسبوعين لان معدلك ودرجاتك في السنة التحضيرية هي نفسها الي بتتخرج عليها اذا ثبت على مستواك وهذا شي سيئ, في البداية ارتفاع المعدل شي سهل جداً وفخلي معدلك عالي وزيد مستواك اكثر مع كل سنة وراح تحس بقيمتها في اخر السنوات.

Continue reading