سوالف #4 ماي بروكن انقلش؟

من زمان وانا صغير دايم تصير مواقف وأقول ليتني افهم الانقلش يوم اشوف التلفزيون فلم او برنامج ودي افهم وش يقولون ,اشتري جهاز او اي شي وافك الكتلوج كله انقلش ابي افهم (_36  .. True Story

في حياتي ماكنت اتصور اني افهم الانقلش على الاقل قبل لا ادرس برا هذا كان تفكيري زمان “تخيل كيف كان سوء التعليم والتثقيف عندنا!” بس eventually و مع الوقت وإلى المتوسط تحديدا من ثاني مع استاذ رهيب اسمه عبدالله محياوي الله يذكره بالخير ويوفقه كان يشرح بذمه ويفهّم مزبوط حبيت الانقلش بقوة وشوي شوي مع الانترنت والمواقع والبرامج وفترتي ذيك كنت متخلف برامج ماخلي شي ماحمله وهذا خلاني استوعب اهمية الانقلش أكثر واني لازم اتعلم لو شي بسيط , من ذاك الوقت بديت احفظ كلمات طبعا كلمات سهلة جدا ومشهورة وهذا مو معناته اني ادور كلمات واترجم ابداً بس الي يمر علي في الكمبيوتر, تلفزيون, مدرسة او اي مكان الي يمسك في راسي يمسك

في السنة التحضيرية كان منهج الانقلش مكثف درست اربع مستويات في سنة، مدة المحاضرات 4 ساعات يومياً، هنا ارتفع مستواي كثير رغم اني ماكنت اهتم واسحب على محاضرات كثير و كل دراستي كانت داخل الفصل فقط وخارج الجامعة مافكرت اطور نفسي باستثناء ايام الاختبارات، يعني لو اهتميت شوي وحاولت اطور نفسي خارج الجامعة مثل ما اسوي الحين كان وصلت مستوى ممتاز في اللغة

صراحه الجامعة هي الي تجبرك تفهم اللغة فمع الاربع مستويات في التحضيري درست مادة في اول ترم في الكلية عن الكتابة العلمية كيف تكتب مقالات، رسائل، سير ذاتية، تقارير، ملاحظات.. إلخ.. المادة كانت غثيثة بشكل يعني وقت المذاكرة سلايدات ودش كلااااااااام والشغل كله مع المترجم المناهح كلها انقلش و اكيد بطلع بكلمات اكثر واكثر

و من الأشياء الجميلة والي ساعدتني في فهم اللغة أكثر هو متابعتي للمسلسلات فتأمل اخي القارئ اقضي وقت ممتع في المشاهدة واستفيد لغة، من فترة طويلة وانا أتابع مسلسلات وصلت لمرحلة الحمد لله اتابع بعض الحلقات بسكربت انقلش وافهم أكثر من 50% من الحوارات

And this is LEGEN.wait for it.DARY

الي خلاني اسوي هذا الموضوع ان لي فترة بسيطة قاعد ادرس انقلش فعلا قاعد ادرس انقلش وفي البيت ومن الانترنت طبعاً انا متابع لحسابات انقلش في تويتر فمرة اقرأ مع الرهيب عبدالرحمن امثله انقلش إيديمز idioms طبعا في الثقافة الانقليزية عندهم الايديمز والتعابير .. يعطيك كم كلمة مالها علاقة في بعض ومعانيها مختلفة لكن اذا اجتمعت تكون عبارة لها معنى! شووف
A piece of cake
معناها قطعة كيك! تستخدم لقول هذا الشي سهل، غير صعب
The exam was a piece of cake

يقابلها في ثقافتنا “زي المويه”  (_4

او فريزل فيرب
I came across bla bla

هذا الشي بالتحديد هو الي يحببني في الانقلش اكثر أشياء صعبه وما تتعلمها إلا مع الوقت لكن تجذبني و احاول استخدمها مع كلمات في حياتي اليومية فعندي هوس مع كلمة Whatever و eventually/afterAll والي يقابلها في العربي “مهما كان” و احيان بالعامي عندنا “عطنا الزبدة” و الكلمة الثانية “في نهاية الامر” مو قصة اني ماقدر اعبر بالعربية او تقليل منها لكن لأني تعودت اسمعها كثير مثل مايقول جيسي في بريكن’ باد “yeah man whatever” أحس انها تعبر بشكل اقوى .. فكر فيها “مهما كان!”

Whatever let’s get to the point

كنت اقرأ مع عبدالرحمن أمثلة ومسكت في راسي افتح مواقع وأخذ دروس!

بديت بموقع engvid والله اني اتذكر لحظة ماتعرفت عالموقع في التحضيري في واحد يشرح اسمه Adam فهمني الفروق بين in, at, on وأعجبني .. بديت اتابع دروس القواعد وركزت كثير عالقواعد بعدها دروس منوعة في اي شي.. بالإضافة لـ آدم في شخص ثاني jeams اشوفه التوب في رأيي رغم ان الاغلبية يرفعون كثييير لادام وشخص ثالث Benjamin حبيت شرحه عشانه بريطاني اكسنت يلد اكسسسسنت رهيب

It’s fantastic ain’t?


 

ملاحظة بسيطة .. التركيز على القواعد دائماً ومنحها وقت اكثر ومحاولة تعلمها بالتفصيل من اخطاء التعلم هذي حقيقة مثبتة من متخصصي ومعلمي الانقلش بالرغم من هذا انا مازلت مصر على التركيز على القواعد اكثر من تعلم كلمات لسبب اني استخدم الانقلش في الكتابة اكثر من التحدث فاحاول اجيد استخدام القواعد بشكل صحيح بالنسبة للكلمات نادراً ما اركز عليها لاني استقبل كلمات من الحياة اليومية وتمسك في راسي اكثر من التركيز عليها.
هذي طريقتي ولو اني بتأخر في تحصيل الكلمات ولكن انا اشوف واحس مستفيد اكثر كذا  (_5

وبالإضافة للموقع استخدم تطبيقات تعليمية على الجوال من التطبيقات الي عجبتني Voxy وتكلمت عنه سلسلة تغريدات هنا في تويتر

وكمان تكلمت عن كتاب Grammer in use وموجود نسخة الكترونية منه، الكتاب ممتاز جدا ومن حسن الحظ لقيت تطبيق رسمي للكتاب كامل قواعد وامثلة شرح بالصوت والصورة و بالتفصيل ومعاني كلمات تدريبات واختبارات، جدا ممتاز التطبيق وتفاعلي افضل من الكتاب بكثير التطبيق مدفوع بعد ماتنزله لكن في طريقة تفتحلك التطبيق بالكامل بدون ماتدفع شي عن طريق تطبيق الشراء الوهمي freedom

انا ماقدر انزل التطبيق هنا لأنه ممنوع لكن موجود في النت وتحمله بسهولة.. بعد ماتنزله شغله وابحث عن تطبيقنا الي هو grammer in use شغله واظغط على زر الشراء BUY عند كل قسم في تطبيق الانقلش وكذا بيفتح لك التطبيق بالكامل

Grammer in use


 

المشكلة الوحيدة الي تعيق السرعه في التعلم مافي اي تواصل مباشر بالانقلش مع اي احد باستثناء التواصل في الكلية والي مانستفيد منه كثير لانه كلام استفهام واكاديمي وكله تعتعه, ابي اسولف واقرقر بالانقلش مافي احد، زين لا قرقرت مع العائلة او اخوياي وعطوني وجه (_3  فيكون اغلب استخدامي كتابي وعلى الانترنت فقط واستفادتي في الدراسة أو متابعة الحلقات الي مالها ترجمة  (_22

هذي موضوعي وتجربتي وحياتي الانقليزية وجواب لكل من يقول كيف تعلمت وكيف اتعلم, وأنا اشوف مستواي لسى متوسط في اللغة ومعرفتي محدودة واكيد الشخص يأخذ وقت عشان يتعلم.
ملاحظة هذا اصعب موضوع كتبتة ماقدرت استمر اكتب بالعامي لازم اجيب بعض الجمل فصيح عشان تنفهم و يتقبلها الكل فبتشوفون كلام عامي وفصيح واكيد اخطاء املائية عربية وانقليزية أولها عنوان الموضوع ؟

whatever على الله

سبحان الله وبحمده ||سبحان الله العظيم