أول تجربة شراء من امازون: سيرفر Synology

من زمان كان ودي اجرب اطلب من امازون ماكان في شي يستاهل صراحة بس ودي اجرب وكل مرة اتراجع لان الي بطلبه اشياء خفيفة وتكلفة الشحن و الاشتراك بشركة شحن اغلى من السلعة نفسها  (_2 , وقبل فترة جاء شحن امازون الدولي وتعرفت عليه وقريت تجارب اعضاء واقتنعت فيه و جاء اليوم الي فكرت اخذ فيه سيرفر NAS منزلي من شركة Synology وتوكلت على الله وطلبت من امازن بشحن مباشر بدون صندوق بريد ولا اي شي وتم الامر بسلاسه ولله الحمد.

الجهاز عبارة عن سيرفر تخزين منزلي مرتبط بالشبكة Network attached storage فكرت اخذه لعدة اسباب اولها اتخلص من قروشة الهاردسكات الخارجية الي رابطها في لوحة التبريد وفي اللابتوب و اسوي ستريم للملفات في البيت لاسلكي من اي جهاز, وان شاء الله استفيد منه في تجارب الشبكات والسيرفرات.

Synology DS415Plus

هذا موديل الجهاز الي شريته بالاضافة انه جهاز NAS متكامل الا ان شركة سنولجي مسوية شغل جدا حلو ومميزات الجهاز ماتنحصر وهنا صفحة الجهاز وكل معلوماته.

 

وفي ميزة مهمة بما ان النظام مبني على لينُكس عنده كمية “ويب ابلكيشن” كبيرة شي جبار وسورسات كثيرة تقدر تنزل منها تطبيقات رسمية وغير رسمية وطبعاً ما انسى حبيبنا التورنت نزلت عليه rTorrent وثبتت واجهة RuTorrent تعبتني كثير لكن سويتة في النهاية وشغال معاي فل الفل وراح اعمل شرح لتثبيته على السنولجي ان شاء الله لان كل الشروحات الموجودة ناقصة وكم شخص طلب طريقة تركيبة عليه. تشويقة سريعة (_34

rutorrent

سوالف #4 ماي بروكن انقلش؟

من زمان وانا صغير دايم تصير مواقف وأقول ليتني افهم الانقلش يوم اشوف التلفزيون فلم او برنامج ودي افهم وش يقولون ,اشتري جهاز او اي شي وافك الكتلوج كله انقلش ابي افهم (_36  .. True Story

في حياتي ماكنت اتصور اني افهم الانقلش على الاقل قبل لا ادرس برا هذا كان تفكيري زمان “تخيل كيف كان سوء التعليم والتثقيف عندنا!” بس eventually و مع الوقت وإلى المتوسط تحديدا من ثاني مع استاذ رهيب اسمه عبدالله محياوي الله يذكره بالخير ويوفقه كان يشرح بذمه ويفهّم مزبوط حبيت الانقلش بقوة وشوي شوي مع الانترنت والمواقع والبرامج وفترتي ذيك كنت متخلف برامج ماخلي شي ماحمله وهذا خلاني استوعب اهمية الانقلش أكثر واني لازم اتعلم لو شي بسيط , من ذاك الوقت بديت احفظ كلمات طبعا كلمات سهلة جدا ومشهورة وهذا مو معناته اني ادور كلمات واترجم ابداً بس الي يمر علي في الكمبيوتر, تلفزيون, مدرسة او اي مكان الي يمسك في راسي يمسك

في السنة التحضيرية كان منهج الانقلش مكثف درست اربع مستويات في سنة، مدة المحاضرات 4 ساعات يومياً، هنا ارتفع مستواي كثير رغم اني ماكنت اهتم واسحب على محاضرات كثير و كل دراستي كانت داخل الفصل فقط وخارج الجامعة مافكرت اطور نفسي باستثناء ايام الاختبارات، يعني لو اهتميت شوي وحاولت اطور نفسي خارج الجامعة مثل ما اسوي الحين كان وصلت مستوى ممتاز في اللغة

صراحه الجامعة هي الي تجبرك تفهم اللغة فمع الاربع مستويات في التحضيري درست مادة في اول ترم في الكلية عن الكتابة العلمية كيف تكتب مقالات، رسائل، سير ذاتية، تقارير، ملاحظات.. إلخ.. المادة كانت غثيثة بشكل يعني وقت المذاكرة سلايدات ودش كلااااااااام والشغل كله مع المترجم المناهح كلها انقلش و اكيد بطلع بكلمات اكثر واكثر

و من الأشياء الجميلة اكمل القراءة

سوالف #3 تقنية ولا مسلسلات وافلام ..؟

اول شي انا احب اشوف مسلسلات بس ونادر ما اشوف افلام  (_4

ask1

 

ask2

 

السبب الرئيسي الي كثر هالنوع من الاسئلة (اسئلة سواء في تويتر او الاسك او حتى في الواقع) هو تويتر لاني اقرقر فيه عن الهلال (_34  والمسلسلات بس لكن موب شرط اني مبتعد مره عن التقنية وزي ماني كاتب بالجواب فوق قل حماسي ايه لكن (خلال ايام الدراسة) كل اسبوعين عندنا مشروع برمجة وهذا جزء كبير من وقتي اقضيه فيها وصح انه محدودة في شي واحد بس كل فترة اراجع واتعلم شي جديد

بالنهاية مو معناتها لاحبيت شي خلاص ما اسوي او ما اشوف غيره.

1121

هذي صورة مشاريع اكثر من نصها في ترم واحد بس وغير الي كانت تدريب اكثر من كذا بكثير, اهتمامي مو منحصر على اكواد وبرمجة بس, احب العب في انظمة التشغيل كثير واجرب فيها وتوزيعات لينكس عندي فيرشوال درايف اكثر من 100 قيقا انظمة.

احب احرر اكواد css على الويب واعدل مباشرة على اي موقع ومخليني مفتكر كل شي وما انساها :) يشهد على براعتي هذا القالب كيف حولته 180 درجة للي ابيه  (_4 وساعدت الجاحد الزامل في موقعه الشاشة  وبالنهاية يروح يشري قالب جديد  (_36  BTW زوروا الموقع يستاهل

عموماً انا احبيت اوضح هذا الشي لو للخلا وشياطين الانس والجن وهذي هواية ولي حريتي فيها

سوالف #2 آخر اسبوع

آخر اسابيع الدراسة قبل الاختبارات المفروض اننا خلصنا المناهج والواجبات والمشاريع القاتلة لكن هذا الترم كان جحيم, اكتب وحنا في آخر اسبوع الاسبوع الميت يوم الثلاثاء يعني مابقي غير اربعاء وخميس ثم اختبارات وانتهينا!

اوكي البرمجة CPCS203 ومشاريعها  المميتة انا اكتب هذا الكلام وانا باقي ماخلصت آخر مشروع الي توه نزل بداية الاسبوع ماهذا الجرم؟ وقبل 4 ساعات من كتابة هذا الكلام جيت من آخر اختباراتها طبعاً كان اختبار عملي على الجهاز وعليه 15 درجة  كان جيد ولابد من الاخطاء الي صارت يعني لاجبت 10 كويس (_3

اوكي اوكي دو يو إماجن ذات! ماخلصنا آخر شابتر للان يقول تعالوا بكرا (الي هو يوم الاربعاء اليوم القبل الاخير من الاسبوع الميت) وذذذافااك معليش حبيبي تسحب علينا اغلب محاضراتك وتجينا اخر يوم تقول تعالوا ؟! بس عادي اصبر ماعندي مشكلة دامة يدفنا زي الترم الاول ويعطينا كم بونس

لا تو نزل آخر واجبات CPCS222 الرياضيات المتقطعة صراحة شي يغبن مكلمين الدكتور من اسبوع نزله بدري وخلصنا وتوه ينزله الكافر ابن اللذينا , وامس نفس المادة كان آخر كوزاتها ابو خمس درجات.

تقولون واجب كله سطرين واي كلام ! لا ياحبيبي هذي حلولها في خمسطعشر الى ثمنطعشر صفحة A4 وعليها 3 درجات  (_36

دقيقة لا تاكلوني, ايه كافر دكتورنا حق الرياضيات كافر ماهو مسلم والعياذ بالله صراحة مايعجبني غير يوم ادخل الفصل واقول السلام عليكم ويرد “تثكقمن”  (_9

طيب طيب تصدقون في آخر اسبوع دكتور CPIT220 مبادئ التقنية طلب مننا نسوي برزنتيشن بموضوع اختياري ثم نعمل تقرير عن مشكلة ونوجد حل لها بنفس الموضوع المُختار ؟! وترى للان ما سلمت العرض

 

 

كل هذا واكثر في آخر اسبوع

هدية ثمينة جدا (_4  للي يكتشف الكلمة السرية في هالتدوينة عبارة عن دعوة في موقع تورنت دي TorrentDay

وكمان اهديكم الفيديو في الصفحة الرئيسية

سوالف #1

يجي مشروع مادة البرمجة ويطلب مني عمل برنامج تقييم “افضل مصمم تطبيقات جوالات” اتخيل المخرجات بتكون زي كذا حلو

best programer award

وانصدم من كثرة الـ “Methods” المطلوبة! المشكلة اقدر اسوي البرنامج بدون تعقيد واضافات مالها داعي حنشوف واحده بعدين

وابدا في البرنامج الفكرة اني اسوي المصفوفات الاساسية الي هي 3 وحده للاسماء و وحده للتصنيفات يعني سرعة البرنامج, تصميمه, الخ والمصفوفة الاخيرة بتكون للتقيم من 10, مصفوفة التصنيفات ثابته ما اعدل فيها يعني يوم اشغل البرنامج في الاخير بس ادخل اسم المصمم والتقييم لكل كاتوقري شي بسيط تسوي في وقت قصير:)

يجي طويل العمر ويطلب طلبات مال ام امها داعي مثلا الاسم ما يبغاني احطه على طول لا , مرره لميثود ثم استدعية للمصفوفة  (_3  طيب انت وش دخلك انا بسويلك البرنامج ويشتغل تمام ليه تجبرني على اشياء غبية زي كذا << هذا شي بسيط في طلبات تفجر الراس من التعقيد الي فيها

مع التعقيد والاضافات الي مالها داعي تدوخ وتسوي اخطاء تافهه تاخذ ساعة ساعتين تدور وين هي وبالاخير يطلع شي غبي (AKA فاقعات المرارة )  (_7 مثال في هذي الجمله

والمفروض يكون زي كذا

وين الخطأ ؟!

شايف كيف عكست بين الصف والعمود  (_36

#اقصر_قصة_حزينة